Jahanje konja na Bjelasici

Proljeće je ove godine kasnilo, ali smo se danas uvjerili da je ipak stiglo, i to kad je Bjelasica u pitanju – na spektakularan način! Jedan lijep dan proveden u hajkingu do katuna Suvodo, a igrom slučaja, dio ove rute smo prešli na konju. Iako u ovom kraju brojna domaćinstva na selima obavezno imaju konja, još uvijek ih niko ne iznajmljuje što je velika šteta s obzirom na fantastičan ugođaj koji takvo iskustvo pruža, pogotovo na pitomim padinama Bjelasice, i posebno u ovom periodu, kada su svuda okolo rasuti milioni kaćuna.

Ali ima ljudi koji bi bili voljni i da iznajme konja, ali i da budu odlični vodiči jer dobro poznaju cijelu ovu teritoriju. Pa ako je neko zainteresovan, javite se da vas povežemo. U svakom slučaju, ovakvu aktivnost  toplo preporučujemo, nećete se pokajati. I još ako vas na kraju dana u nekom od seoskih domaćinstava dočeka ukusan i topao obrok, neki od specijaliteta potpuno lokalne kuhinje, onda ćete takav dan sigurno dugo da pamtite!

Jedan komentar na članku “Jahanje konja na Bjelasici”

Leave a Reply to mikica Cancel reply